Vdes shtetasi turk në QKUK, u aksidentua javë më parë me motor në Prishtinë

Një shtetas i Republikës së Turqisë ka ndërruar jetë në Qendrën Klinike Universitare të Kosovës (QKUK) si pasojë e lëndimeve të marra në një aksident trafiku.

Aksidenti ndodhi më 9 qershor në rrugën “Shpëtim Robaj” në Prishtinë, ndërsa vdekja e tij u raportua më 26 qershor.

Ekipi mjekësor konfirmoi vdekjen e viktimës, ndërsa me urdhër të prokurorit, trupi i tij u dërgua në Institutin e Mjekësisë Ligjore (IML) për obduksion.