Vazhdojnë kërkimet për të moshuarin e zhdukur, operacioni shtrihet në Zllatar

Shoqata e Kosovës për Kërkim dhe Shpëtim ka njoftuar se kërkimet për gjetjen e 78-vjeçarit Xhafer Raqi janë rivendosur pas zhdukjes së tij që ndodhi mëngjesin e së enjtes.

Sipas ekipit të kërkim-shpëtimit, operacionet po vazhdojnë edhe gjatë natës, duke përfshirë përdorimin e dronëve. Këtë herë, kërkimet janë zhvendosur në një lokacion të ri, në Zllatar.

I moshuari, banor i “Bregut të Diellit”, vuan nga demenca dhe është parë për herë të fundit rreth orës 08:00 të së enjtes.

Familjarët e tij kanë bërë thirrje për ndihmë, duke kërkuar që çdo person që ka informacion rreth vendndodhjes së Xhafer Raqit të kontaktojë në numrin +383 44 737 900.