Gërmimet për gjetjen e varreve masive vazhdojnë në Kalludër të Vogël dhe në Jabukë të Zubin Potokut, tash e mbi një javë. Ekipet e mjekësisë ligjore, përveç grupeve të tjera kompetente, mbeten në vendin e ngjarjes, ku po dyshohet për më shumë mbetje kockore me origjinë njerëzore.
Gazetarja e Klan Kosovës, Altiana Zogaj, raportoi nga vendi i ngjarjes. Ajo theksoi se identifikimi i këtyre mbetjeve do të marrë kohë.
Sipas saj, mbrëmë janë zbuluar katër kufoma në Jabukë, një informacion i konfirmuar nga ministri në detyrë i Punëve të Brendshme, Xhelal Sveçla. Pasi ka një afërsi të vendndodhjes, dyshohet se këto kufoma i përkasin grupit që u ekzekutua më 19 prill 1999 gjatë tentativës për të kaluar në Mal të Zi.
Për detaje të tjera, ndiqni më tej raportimin e gazetarës.
You must be logged in to post a comment Login