Një ngjarje tragjike ka ndodhur në zonën e Klosit, ku një person, identiteti i të cilit është Erkin Lika, dyshohet se ka humbur jetën. Lika është raportuar se ka rënë nga shkëmbinjtë pranë Urës së Vashës.
Sipas burimeve nga Policia e Matit, duket se ai ka rënë në një zonë të thellë shkëmbore. 33-vjeçari ishte pjesë e një grupi kërkim-shpëtimi, i angazhuar në operacione për shpëtimin e personave të përfshirë në aksidente, dhe ishte një pasionant i alpinizmit.
Informacionet paraprake sugjerojnë se Lika ndodhej në zonë me ekipin e tij kur ka rrëshqitur nga shkëmbinjtë. Ai ishte duke fotografuar pjesëtarët e ekipit kur ka humbur ekuilibrin dhe ka rënë në humnerë, duke shkaktuar kështu fatalitetin.
Forcat e kërkim-shpëtimit kanë mbërritur në vendngjarje, dhe ekipet nga Kosova janë bashkuar për të ndihmuar në nxjerrjen e trupit. Menjëherë pas marrjes së njoftimit, shërbimet e Policisë si dhe ekipet e kërkim-shpëtimit kanë filluar operacionet e kërkimit, të cilat po vazhdojnë ende.
Be the first to comment