Një punëtor i Korporatës Energjetike të Kosovës (KEK) ka humbur jetën si pasojë e një aksidenti të rëndë në vendin e punës.
Sipas njoftimeve nga KEK, mbrëmë rreth orës 20:30 ka ndodhur incidenti tragjik, ku ka humbur jetën Haxhi (Selatin) Gojnovci, i angazhuar si “Teknik i Xehtarisë” në Divizionin e Prodhimit të Qymyrit.
Në një postim në Facebook, KEK njoftoi se Gojnovci pësoi aksident ndërsa po kryente detyrat e tij dhe ishte duke u lëvizur në zonën e ekskavatorit. Pavarësisht ndërhyrjeve të shpejta, ai nuk arriti të mbijetonte nga plagët.
I ndjeri kishte qenë pjesë e KEK-ut që nga viti 1985 dhe kishte kontribuar në këtë institucion për më shumë se katër dekada.
Korporata ka shprehur ngushëllime përfamiljen Gojnovci, si dhe për të afërmit, miqtë dhe kolegët e tij.
“Për kohën dhe vendin e varrimit, opinioni do të njoftohet sapo të përfundojnë procedurat përkatëse mjeko-ligjore dhe veprimet e tjera të nevojshme nga organet kompetente,” theksohet në njoftimin e KEK-ut.
You must be logged in to post a comment Login