Kryeministri i Polonisë, Donald Tusk, ka bërë një deklaratë lidhur me një objekt të paidentifikuar që ka rënë në një fushë brenda territorit polak, i cili me shumë gjasë është një raketë ruse.
Ky objekt ka rënë rreth 100 kilometra larg kufirit me Ukrainën, gjatë një sulmi rus ndaj qytetit të Lvivit, mëngjesin e së enjtes. Tusk ka theksuar se “të gjitha shenjat tregojnë se bëhej fjalë për një raketë balistike ruse Kh-101”, por ka shprehur dëshirën për të qënë plotësisht të sigurt në lidhje me llojin e raketës dhe origjinën e saj.
Përveç kësaj, Franca ka dënuar sulmin rus, duke i referuar shkeljes së hapësirës ajrore të Polonisë.
You must be logged in to post a comment Login