Presidenti i Shteteve të Bashkuara, Donald Trump, njoftoi se marrëveshja e re me Iranin pritet të nënshkruhet nesër. Ky zhvillim do të hapë Ngushticën e Hormuzit për lundrim për të gjitha vendet, duke shënuar një moment të rëndësishëm në marrëdhëniet ndërkombëtare dhe situatën në Lindjen e Mesme.
Në një postim në rrjetin e tij social “Truth Social”, Trump theksoi se marrëveshja aktuale me Iranin është ndryshe nga ajo bërthamore e arritur gjatë administratës së ish-presidentit Barack Obama, e njohur si JCPOA. Kjo marrëveshje ka marrë kritika të ashpra nga Trump.
Ai argumentoi se marrëveshja e mëparshme përbënte “një rrugë të lehtë dhe të rrezikshme drejt armës bërthamore”. Nga ana tjetër, marrëveshja e re e përshkruan si një mekanizëm që ka si qëllim të bllokojë çdo mundësi të Iranit për të siguruar armë bërthamore.
Trump deklaroi se “faktikisht, ata nuk duan më armë bërthamore dhe nuk do të kenë një të tillë, qoftë përmes blerjes, zhvillimit apo ndonjë forme tjetër sigurie”. Ai e përshkroi marrëdhënien e tanishme të SHBA-së me Iranin si “më të mirë dhe më ndryshe” se në të kaluarën.
Presidenti amerikan njoftoi se, në një fazë të mëvonshme, Shtetet e Bashkuara mund të ndërmarrin hapa për të siguruar dhe shkatërruar materialin bërthamor në objektet iraniane, pasi situata të jetë stabilizuar. Ai shprehu dëshirën për të punuar me Iranin dhe çdo vend tjetër në Lindjen e Mesme në një periudhë të gjatë të ardhmen.
“Shpresojmë që ky proces të ecë shpejt dhe pa probleme, por nëse jo, ne kemi alternativën përfundimtare, e cila shpresojmë të mos përdoret kurrë”, përfundoi Trump.
You must be logged in to post a comment Login