Një ngjarje e rëndë është raportuar në Greqi, ku një shqiptar 41-vjeçar akuzohet për përdhunim të përsëritur dhe abuzim seksual ndaj vajzës 9-vjeçare të bashkëshortes së tij.
Sipas dosjes hetimore, dyshohet se 41-vjeçari ka abuzuar seksualisht me të miturën gjatë verës së vitit 2023, në një kohë kur nëna e saj, e shtatzënë, ndodhej në Shqipëri dhe ia kishte lënë vajzën në kujdes. Hetimet tregojnë se abuzimet kanë vazhduar edhe pas kthimit të nënës, deri në pranverën e vitit 2025, sipas raportimeve nga TopChannel.
Prokuroria pretendon se i akuzuari e ka detyruar 9-vjeçaren të flinte në të njëjtin shtrat me të, dhe nën kërcënimin e dhunës ndaj familjarëve të saj, e ka shtyrë që të përballojë akte seksuale kundër vullnetit të saj.
Autoritetet greke theksojnë se e mitura nuk i ka treguar nënës për ngjarjet, për shkak të frikës nga njerku i saj dhe kërcënimeve që ai kishte bërë ndaj familjarëve. Rastin e ka zbuluar një grup personash të tretë që e kanë denoncuar.
41-vjeçari mohon të gjitha akuzat, duke thënë se ato janë të pavërteta dhe pjesë e imagjinatës së të miturës. Çështja pritet të shqyrtohet në Gjykatën Penale të Larisës në muajin tetor.
You must be logged in to post a comment Login