Një ngjarje tragjike ka ndodhur në Crosby, Britani të Madhe, ku një fëmijë trevjeçar ka humbur jetën pasi ra në një pellg uji gjatë mbrëmjes së së shtunës.
Shërbimet emergjente u thirrën në një pronë në rrugën Brownmoor Lane pasi ishte raportuar se djaloshi kishte rënë në ujë. Ekipet e policisë dhe të ambulancës mbërritën menjëherë në vendin e ngjarjes, ku fëmija u transportua me urgjencë në spital për trajtim.
Për fat të keq, ai nuk ka arritur të mbijetojë dhe është shpallur i vdekur. Policia ka deklaruar se vdekja e fëmijës nuk po trajtohet si e dyshimtë dhe hetimet po vazhdojnë për të sqaruar rrethanat e plota të ngjarjes.
Be the first to comment