Një ngjarje tragjike ka ndodhur në një nga spitalet më të mëdha shtetërore të Indisë. Një pacient 42-vjeçar humbi jetën pasi një ventilator tavani u shkëput dhe ra mbi shtratin e tij gjatë trajtimit mjekësor.
Sipas deklaratave të familjarëve dhe zyrtarëve shëndetësorë, viktima, Md Akbar, ishte shtruar në repartin e urgjencës të Spitalit Guru Teg Bahadur me diagnoza të hipertensionit, meningoencefalitit dhe pneumonisë nga aspirimi. Mediat lokale raportojnë se ventilatori ra ndërsa personeli mjekësor po i jepte trajtimin.
Si pasojë e këtij incidenti, u plagos edhe një infermier që ndodhej pranë shtratit të pacientit. Një punonjës i spitalit u shpreh se ventilatori ra drejtpërdrejt mbi pacient gjatë trajtimit, duke shkaktuar lëndime edhe për infermierin që kujdesej për të.
Fotot dhe videot e publikuara nga familjarët tregojnë një ventilator të vjetër e të dëmtuar me tela të shkëputur pranë këmbës së djathtë të pacientit, ndërsa të afërmit e tij qëndronin pranë shtratit.
Raportimet tregojnë se 42-vjeçari ndërroi jetë rreth orës 00:16, më pak se tre orë pas incidentit. Në certifikatën e vdekjes janë shënuar si shkaqe hipertensioni, meningoencefaliti dhe pneumonia nga aspirimi. Ende nuk dihet nëse dëmtimet nga rënia e ventilatorit janë reflektuar në dokumentacionin zyrtar.
You must be logged in to post a comment Login