Tragjedi në Shtime: Trevjeçari humb jetën, ende nuk dihen shkaqet e vdekjes

Një fëmijë ka humbur jetën mbrëmjen e së enjtes në Shtime, ndërsa shkaqet e vdekjes nuk janë akoma të njohura, raportojnë burimet e Klankosova.tv.

Sipas informacioneve të marra nga Klankosova.tv, bëhet fjalë për një fëmijë 3-vjeçar. Kjo ngjarje ka rezultuar edhe në një raport policor, ku njoftohet se në Shtëpinë e Shëndetit në Ferizaj është paraqitur një person mashkull nga Kosova, i cili ishte dërguar pa shenja jete nga Qendra Emergjente e Shtimës.

Me urdhër të prokurorit, trupi është dërguar në Institutin e Mjekësisë Ligjore për obduksion. Rasti është iniciuar si “Hetim i vdekjes”.