Tragjedi në Përmet: 68-vjeçari humb jetën pasi goditet nga rrufeja në malin Trebeshinë

Një ngjarje tragjike ka ndodhur në Përmet, ku një burrë 68-vjeçar ka humbur jetën pasi u godit nga rrufeja ndërsa ndodhej në mal.

Viktima është identifikuar si Syrja Karati. Ai, sipas raportimeve, ndodhej në malin Trebeshinë, në një zonë të quajtur Zaçe Be, kur ndodhi incidenti fatal.

Autoritetet janë angazhuar për të sqaruar rrethanat e plota të ngjarjes. Sipas dëshmive, goditja nga rrufeja dyshohet të jetë shkaku i vdekjes së tij.