Një 17-vjeçar irlandez ka humbur jetën tragjikisht gjatë pushimeve në ishullin grek Kimolos, pasi dyshohet se u godit nga rryma elektrike gjatë dushit.
Alex M. po qëndronte me familjen në një shtëpi prej guri, e cila kishte më shumë se 50 vjet që përdorej nga ata për pushime të zakonshme.
Sipas raportimeve nga mediat gjermane, i riu ka marrë kokën e dushit, dhe pak çaste më vonë ka rënë. Autopsia ka konfirmuar se arsyet e vdekjes ishin goditja elektrike. Edhe nëna e tij dyshohet se ka ndjerë një shkarkesë elektrike kur përpiqej t’i afrohej.
Autoritetet greke kanë nisur hetimet lidhur me instalimin elektrik të shtëpisë dhe ngrohësin e ujit, gjithashtu duke shqyrtuar nëse ka pasur mungesë të ndonjë pajisjeje mbrojtëse në kutinë elektrike.
Alex ishte një nxënës i dalluar në qytetin e tij të lindjes, Cork, dhe kishte marrë çmime për një projekt të zhvilluar me dy bashkëmoshatarë, që kishte si synim ndihmën për personat me autizëm joverbal.
You must be logged in to post a comment Login