Theret me thikë një 22-vjeçar në Fushë-Krujë

Një ngjarje e rëndë është shënuar mbrëmjen e kaluar në Fushë-Krujë, ku një i ri ka mbetur i plagosur rëndë pas një konflikti me armë të ftohta.

Sipas informacioneve fillestare, viktima është një 22-vjeçar, i cili ka qenë objekt i një sulmi me thikë.

Për shkak të plagëve të marra, i riu është dërguar me urgjencë në Spitalin e Traumës në Tiranë, ku po merr ndihmën e nevojshme mjekësore.

Aktualisht, motivet që çuan në këtë ngjarje nuk dihen, ndërsa deri tani nuk ka një njoftim të shkruar nga Policia e Shtetit.