Rreth një e katërta e lumenjve të vegjël në Francë janë tharë tashmë, sipas njoftimeve nga Qendra Kombëtare për Kërkime Shkencore e Francës (CNRS). Hidrologja Agnes Ducharne e bëri këtë informacion të ditur të premten, duke paralajmëruar për një thatësirë që mund të jetë më e rëndë se ajo e vitit 2022.
Ducharne theksoi se aktualisht, 25 për qind e lumenjve të vegjël janë të tharë, një nivel që tejkalon ndjeshëm normat e zakonshme të thatësirave. Ajo deklaroi për “France Inter” se të gjithë treguesit e thatësirës janë më të rëndë në krahasim me të njëjtën periudhë të vitit të kaluar.
Sipas saj, ndonëse gjendja e ujërave nëntokësore është më pak problematike se vitin e kaluar, falë reshjeve të dendura gjatë dimrit, situata e thatësirës sipërfaqësore është përkeqësuar shumë më shpejt këtë vit. Ducharne paralajmëroi se situata mund të vazhdojë të përkeqësohet deri në fund të sezonit.
Be the first to comment