Të shtëna me armë zjarri në Sarandë, një person i plagosur

Mbrëmjen e kësaj të premteje, në lagjen nr. 4 të Sarandës, janë dëgjuar të shtëna me armë zjarri.

Sipas informacioneve paraprake nga mediat shqiptare, një person ka mbetur i plagosur dhe është transportuar me urgjencë në Spitalin e Sarandës për të marrë ndihmë mjekësore.

Forca të shumta policore kanë mbërritur në vendngjarje, ku kanë rrethuar zonën dhe po kryejnë veprimet e para hetimore për të zbardhur rrethanat e ngjarjes.

Deri tani, shkaqet e konfliktit, identiteti i të plagosurit dhe autorët e dyshuar mbeten të panjohura.