Sulmoi me thikë një person në Mitrovicë, arrestohet i dyshuari për vrasje në tentativë

Policia ka ndaluar një individ të dyshuar për veprën penale “vrasje në tentativë” në Mitrovicën e Jugut.

Sipas një njoftimi në Facebook, pas veprimeve operative dhe hetimore, ka dyshime se i arrestuari, rreth orës 01:30, ka sulmuar një person me thikë, duke i shkaktuar lëndime trupore.

Viktima ka marrë trajtim fillestar në Spitalin Rajonal të Mitrovicës, për t’u transferuar më pas në Qendrën Klinike Universitare të Kosovës për trajtim të mëtejshëm.

Gjatë ekzaminimit të vendit të ngjarjes, policia ka sekuestruar një thikë, e cila dyshohet se është përdorur në këtë sulm.

Pas intervistimit, me vendim të prokurorit kompetent, i dyshuarit i është caktuar masa e ndalimit policor prej 48 orësh. Hetimet për zbardhjen e plotë të rrethanave të rastit vazhdojnë nga Sektori Rajonal i Hetimeve.