Pamjet nga kamerat e sigurisë në një kafene në qytetin ukrainas të Sumyt kanë regjistruar momentin kur njerëzit u ulën në dysheme për t’u mbrojtur, pas shpërthimeve të fuqishme që u dëgjuan në afërsi të lokalit.
Këto kamera kanë kapur skena nga tre kënde të ndryshme: një pamje jashtë kafenesë dhe dy brenda saj, siç raporton BBC, dhe përcjell Klankosova.tv.
Menjëherë pas ndalimit të shpërthimeve, njerëzit u dëgjuan duke vrapuar brenda, ndërsa në kafene disa klientë ishin duke pritur në radhë te banaku.
Kryetari i qytetit, Artem Kobzar, njoftoi se pesë persona, përfshirë një vajzë 13-vjeçare, humbën jetën, dhe të paktën 30 të tjerë u plagosën si pasojë e një sulmi me bombë ajrore nga ushtria ruse, që goditi qytetin verilindor të Ukrainës të shtunën.
Be the first to comment