Pesë ushtarë paraushtarakë tajlandezë janë vrarë, ndërsa gjashtë civilë mbetën të plagosur pas një sulmi ndaj një pike kontrolli të sigurisë në provincën Narathiwat, në jug të Tajlandës.
Sipas ushtrisë, sulmuesit përdorën armë zjarri dhe bomba artizanale në këtë akt të dhunshëm kundër forcave të sigurisë që ishin të angazhuara në mbrojtjen e zonës. Deri tani, askush nuk e ka marrë përsipër përgjegjësinë për këtë sulm, dhe autoritetet nuk kanë raportuar për ndonjë arrestim.
Kjo ngjarje ndodhi një ditë pas shpërthimit të një autobombe pranë një stacioni policor në të njëjtën provincë, i cili plagosi një efektiv policie.
Provincat Narathiwat, Pattani dhe Yala kanë qenë prej vitesh qendra e konfliktit separatist në jug të Tajlandës. Që nga viti 2004, mbi 7 mijë persona kanë humbur jetën si pasojë e dhunës në këtë rajon.
Be the first to comment