Starmer i emocionuar pas dorëheqjes, përqafon bashkëshorten

Keir Starmer ka njoftuar dorëheqjen nga posti i kryeministrit të Mbretërisë së Bashkuar dhe nga drejtimi i Partisë Laburiste.

Pas këtij njoftimi, ai shprehu se do të kalojë më shumë kohë me familjen e tij pas largimit nga “posti më i madh në vend”.

“Do të jem bashkëshorti më i mirë për gruan time të mrekullueshme, Vic, e cila ka qenë mbështetje për mua në çdo kohë,” tha Starmer. Ai gjithashtu theksoi se do t’i përkushtohet më shumë fëmijëve të tij.

“Do të jem babai më i mirë që mundem për fëmijët e mi, të cilët janë krenaria dhe gëzimi im,” u shpreh ai, duke shfaqur emocione gjatë deklaratës. Pasi përshëndeti bashkëshorten, Starmer u kthye në rezidencën e tij në Downing Street.