Aktorja dhe humanitarja, fituese e çmimeve Oscar dhe Golden Globe, Angelina Jolie, ka festuar ditëlindjen e saj të 51-të. Ajo është e njohur për rolet e saj në filma të rëndësishëm si “Maleficent”, “Tomb Raider”, “Girl, Interrupted”, “Kung Fu Panda”, “Wanted” dhe “Mr. and Mrs. Smith”.
Një muaj më parë, Jolie vendosi një rekord në Rekordet Botërore Guinness si aktorja më e fuqishme, duke ndarë këtë titull me Jennifer Aniston. Ajo tërhoqi vëmendjen për interpretimin e saj të paharrueshëm në dramën “Girl, Interrupted” të vitit 1999, një performancë që e konsolidoi atë si një talent të jashtëzakonshëm në fushën dramatike.
Jeta e saj personale ka qenë e shoqëruar nga një sërë romancash të njohura, duke përfshirë martesat me aktorët Jonny Lee Miller dhe Billy Bob Thornton. Marrëdhënia e saj prej dymbëdhjetë vjetësh me Brad Pitt ishte një nga historitë më të komentuar në mediat e Hollivudit.
Angelina Jolie është mama e gjashtë fëmijëve: Maddox Chivan, Pax Thien, Zahara Marley, Shiloh Nouvel, Knox Léon dhe Vivienne Marcheline, të cilët i ka me Pitt-in. Pas divorcit, ajo ka mbetur e fokusuar te fëmijët dhe nuk ka konfirmuar publikisht një partner të ri.
You must be logged in to post a comment Login