“Situata me zjarret në Francë nesër do të jetë më e ndërlikuar”

Presidenti i Francës, Emmanuel Macron, ka paralajmëruar se situata e zjarreve do të bëhet më sfiduese në ditët që vijnë, pavarësisht përmirësimeve të dukshme në 24 orët e fundit, falë angazhimit të ekipeve të zjarrfikësve.

Gjatë një vizite në rajonin e Girondës, Macron shprehu mirënjohje për zjarrfikësit dhe vlerësoi përpjekjet e tyre në përballimin e flakëve, sipas raportimeve të Sky News.

Ai theksoi se “24 orët e fundit kanë shkuar mirë, falë punës suaj” dhe nënvizoi se situata mbetet e brishtë, duke kërkuar përgatitje të vazhdueshme.

“Duhet të konsolidojmë këtë situatë në orët dhe ditët në vijim, me nesër që padyshim do të jetë më e ndërlikuar se sot,” theksoi presidenti francez.