Kryeministri Edi Rama ka shpallur se Shqipëria ka arritur vendin e parë në botë në “National Cyber Security Index” (NCSI) me 98.33 pikë, duke cilësuar këtë rezultat si një sukses historik në fushën e sigurisë kibernetike.
Në një deklaratë të gjatë, Rama e lidhi këtë arritje me sulmin kibernetik të korrikut 2022, kur infrastruktura digjitale shqiptare u godit nga një sulm i atribuar regjimit iranian, sipas raportimeve të Klan Kosovës.
Ai theksoi se, pas atij sulmi, Shqipëria nisi ndërtimin e një arkitekture të re të mbrojtjes kibernetike dhe përmirësimin e kapaciteteve profesionale. Rama përmendi gjithashtu se vendi ishte pozicionuar nga vendi i 54-t në vitin 2023 në vendin e 15-të për vitin 2025, para se të arrinte sot në krye të listës botërore.
You must be logged in to post a comment Login