Shqipëria, vendi me nivelet më të larta të kredive me probleme në rajon

Shqipëria vazhdon të përballë një nga nivelet më të larta të kredive me probleme në rajonin e Evropës Qendrore dhe Juglindore.

Të dhënat e publikuara nga Banka Evropiane e Investimeve (EIB) tregojnë se në fund të vitit 2025, Shqipëria kishte një nivel prej 3.8% të kredive me probleme. Ky raport e rendit vendin në mesin e atyre me nivele të larta në këtë aspekt. Polonia është e vetmja shtet ku kreditë me probleme arrijnë një nivel më të lartë, me 4.61%.

Në krahasim me Shqipërinë, vendet e tjera të Ballkanit Perëndimor kanë nivele më të ulëta të kredive me probleme. Për shembull, Kosova ka një raport prej 2.03%, Maqedonia e Veriut 2.04%, Serbia 2.11% dhe Bosnje-Hercegovina 2.4%. Këto të dhëna reflektojnë një diferencë të dukshme midis Shqipërisë dhe vendeve fqinje.