Shpëtohet 67-vjeçari që po lahej në Velipojë, doli nga deti në gjendje kritike

Një pushues 67-vjeçar është shpëtuar falë ndërhyrjes së shpejtë të vrojtuesit të plazhit.

Sipas informacionit të disponueshëm, ai u nxor nga deti në një gjendje kritike, pa puls dhe pa frymëmarrje.

Vrojtuesi i plazhit, Besfort Gjoklaj, reagoi menjëherë dhe e tërhoqi nga uji. Ai i ofroi ndihmën e parë, dhe pas një periudhe përpjekjesh, pushuesi arriti të rifitojë shenjat jetësore.

Më pas, 67-vjeçari iu dorëzua ekipit të Urgjencës, i cili e transportoi në spital për trajtim të mëtejshëm.