Shkon në dy numri i viktimave nga aksidenti në Jabllanicë të Leshanit

Numri i viktimave nga aksidenti në rrugën Pejë-Klinë ka arritur në dy. Aksidenti ndodhi disa ditë më parë në fshatin Jabllanicë e Leshanit.

Viktima, e cila kishte pësuar lëndime të rënda, ka ndërruar jetë sot në orët e mëngjesit. Këtë rast e ka konfirmuar Fadil Gashi, zëdhënës i policisë për rajonin e Pejës.

Sipas Gashit, viktima ishte duke u trajtuar në spitalin e Pejës, ku sot janë njoftuar për vdekjen e saj. Trupi i pajetë i viktimës është dërguar në Institutin e Mjekësisë Ligjore për obduksion, ndërkohë që rasti po hetohet.

Burime nga Klankosova.tv raportojnë se viktima është A. Bajramaj.