Shkaktoi dhunë në familje, prangoset pejani

Policia e Kosovës ka arrestuar një individ në Pejë, duke e dyshuar për shkaktim dhune në familje.

Sipas raportit policor, i dyshuari, një mashkull kosovar, është dërguar në stacionin e policisë për të dhënë informacion në lidhje me rastin, që përfshin anëtarë të familjes, raporton Klankosova.tv.

Pas konsultimeve me prokurorin përkatës dhe përfundimit të intervistimit, i dyshuari është liruar në procedurë të rregullt. Ndërkohë, rasti vazhdon të hetohet nga organet kompetente.

Raporti i Policisë thekson: “I dyshuari mashkull kosovar është arrestuar nën dyshimin se ka kryer veprën e lartpërmendur ndaj viktimave kosovarë. Pas konsultimit me prokurorin, ai është liruar në procedurë të rregullt.”