Shtetet e Bashkuara kanë nisur një valë të re sulmesh ajrore ndaj Iranit gjatë mbrëmjes së së shtunës. Sulmet ishin të fokusuar në objekte të mbikëqyrjes bregdetare dhe sisteme të mbrojtjes ajrore, siç kanë njoftuar zyrtarët ushtarakë amerikanë.
Komanda Qendrore e SHBA-së, e njohur si CENTCOM, konfirmoi se forcat amerikane kanë goditur me sukses kapacitete ushtarake iraniane. Sipas raportimeve nga mediat shtetërore iraniane, ishulli Qeshm, i cili ndodhet në ngushticën e Hormuzit, ka qenë një nga lokacionet e goditura nga sulmet.
CENTCOM ka bërë të ditur se objektiv ishin gjithashtu elementë të Gardës Revolucionare Islamike të Iranit, të cilët akuzohen nga SHBA-ja për një sulm në të cilin katër ushtarë amerikanë janë prekur, dy prej të cilëve kanë humbur jetën në Jordani, ndërsa një tjetër pjesëtar i forcave amerikane mbetet i zhdukur.
Në përgjigje të këtyre sulmeve, ushtria iraniane ka deklaruar se ka realizuar sulme me dronë ndaj dy bazave ushtarake amerikane në Kuvajt, sipas mediave shtetërore të Iranit.
Tensionet mes Uashingtonit dhe Teheranit kanë shkuar duke u përshkallëzuar në mënyrë të ndjeshme gjatë ditëve të fundit, me të dyja palët që akuzojnë njëra-tjetrën për sulme ndaj objekteve strategjike të rëndësishme.
You must be logged in to post a comment Login