Rritet sërish nafta, 4 centë më shumë për xhepin e kosovarëve

Ministria e Industrisë, Ndërmarrësisë, Tregtisë dhe Inovacionit ka publikuar sot çmimet maksimale të lejuara për derivatet e naftës në Kosovë.

Sipas njoftimit të bërë në Facebook, çmimi maksimal për naftën është vendosur në 1.60 euro për litër, që paraqet një rritje prej 4 centësh krahasuar me çmimin e një dite më parë.

Benzina do të tregtohet me një çmim prej 1.43 euro për litër, ndërsa gazi do të shitet për 0.60 euro për litër.

Këto çmime do të hyjnë në fuqi nga ora 10:00.