Rrahu gruan dhe dy vajza dhe tentoi t’ia vë flakën shtëpisë, arrestohet burri në Drenas

Policia e Kosovës ka arrestuar një person në Drenas me dyshimin se ka kryer dhunë në familje.

Sipas raportit 24-orësh, i dyshuari, në gjendje të dehur, ka sulmuar fizikisht bashkëshorten dhe dy femra të tjera kosovare. Njëra nga viktimat ka marrë tretman mjekësor për lëndimet që ka pësuar.

Raporti gjithashtu thekson se i dyshuari ka dëmtuar orenditë shtëpiake dhe ka tentuar t’ia vërë flakën shtëpisë, duke shkaktuar lëndime edhe për vete.

Pas marrjes së tretmanit mjekësor në QKMF, ai është dërguar në mbajtje me vendim të prokurorit.