Një incident ka ndodhur në Lipjan, ku si pasojë e një konflikti fizik, tetë persona kanë përfunduar në spital.
Arsyet e kësaj ngjarjeje ende nuk janë të qarta.
Gazetarja e Klan Kosovës, Arbreshë Uka, raportoi se të lënduarit janë dërguar në Qendrën Emergjente të QKUK-së. Ajo njoftoi se tetë individë nga Lipjani kanë mbërritur në QKUK me lëndime trupore. Njëri prej tyre është pranuar për trajtim në Klinikën e Neurokirurgjisë, ndërsa dy të tjerë ndodhen për momentin në observim, duke pritur disa ekzaminime të mëtejshme.
Të lënduarit e tjerë, pas marrjes së trajtimit, janë liruar nën përcjellje të policisë.
You must be logged in to post a comment Login