Rita Ora ka gjetur pak kohë për t’u relaksuar mes angazhimeve të saj të shumta gjatë turneut veror në Evropë. Këngëtarja me origjinë shqiptare po shijon pushimet në bregdetin mesdhetar të Spanjës, ku është fotografuar duke u freskuar në det gjatë valës së të nxehtit.
Artiste 35-vjeçare ka tërhequr vëmendjen me një palë bikini dyngjyrëshe me printime kafshësh, të cilat i ka kombinuar me një shami të kuqe për të mbuluar flokët gjatë notit. Rita është shfaqur në formë të shkëlqyer fizike, duke shijuar momentet e qeta larg skenës.
Ky pushim vjen pas një periudhe intensive koncertesh në vende të ndryshme të Evropës. Fundjavën e kaluar, ajo kishte planifikuar një performancë në Festivalin Gozo në Maltë, por koncerti u anulua për shkak të një stuhie të fortë që dëmtoi pajisjet muzikore.
Përmes një mesazhi në rrjetet sociale, Rita u kërkoi falje fansave, duke shpjeguar se shfaqja nuk mund të zhvillohej pasi pajisjet e saj u dëmtuan plotësisht gjatë stuhisë.
Pas ndalesës në Spanjë, këngëtarja do të vazhdojë turneun e saj veror me koncerte të planifikuara në Zvicër, Austri, Finlandë dhe Hungari.
Be the first to comment