Anëtarët e Qendrës së Numërimit të Rezultateve kanë nisur rinumërimin e mbi 7% të vendvotimeve që janë caktuar nga Komisioni Qendror i Zgjedhjeve. Ky proces po realizohet si masë rregulli, për të shmangur situatat e ngjashme me ato të zgjedhjeve të kaluara, ku ishin evidentuar ndryshime të mëdha në numrin e votave për kandidatët për deputetë.
Zëdhënësi i KQZ-së, Valmir Elezi, në një prononcim për gazetaren e Klan Kosovës, Qëndresa Bellagoshi, bëri të ditur se gjithsej 185 vendvotime janë duke u rinumëruar.
Ai shtoi se rinumërimi po zhvillohet sipas dinamikës së planifikuar nga KQZ. Deri në mesditë, janë rinumëruar mbi 40 vendvotime dhe janë përfshirë në platformën e rezultateve.
You must be logged in to post a comment Login