Reshjet e dendura, përmbyten rrugët në Has, dëmtohet një banesë

Ndryshimi i motit në Shqipëri ka rezultuar në mbulimin e rrugëve të njësive administrative të Bashkisë Has nga mjegulla.

Autoritetet kanë bërë thirrje për kujdes të shtuar, veçanërisht për shkak të dëmtimeve në infrastrukturë.

Sipas raportimeve, rreth 80 për qind e segmenteve rrugore në Njësinë Administrative Golaj janë dëmtuar si pasojë e reshjeve të dendura të shiut.

Po ashtu, janë evidentuar raste të banesave të dëmtuara.

Megjithatë, lëvizja në rrugët nacionale është zhvilluar normalisht. Autoritetet i inkurajojnë drejtuesit e mjeteve që të tregojnë kujdes për shkak të kushteve të vështira atmosferike dhe reshjeve të vazhdueshme.