Real Madrid po vazhdon të punojë në mënyrë të qetë në tregun e transferimeve. Drejtuesit e klubit janë të përkushtuar ndaj vizionit afatgjatë të presidentit Florentino Perez, që synon sjelljen e një tjetër “Galactico” në stadiumin “Santiago Bernabeu”.
Megjithëse oferta prej 150 milionë eurosh për sulmuesin Julian Alvarez u refuzua, klubi madrilen nuk e ka braktisur idenë për të forcuar repartin ofensiv me një emër të njohur gjatë këtij afati kalimtar.
Sipas gazetarit Ramon Alvarez de Mon, objektivi kryesor i Real Madridit është sulmuesi anësor i Bayern Munich, Michael Olise. Ai konsiderohet si profili ideal për të sjellë kreativitet dhe ekuilibër në krahun e djathtë të sulmit, një repart që klubi e ka prioritet për të ardhmen.
Brenda klubit, besojnë se Olise do të krijojë një partneritet të fortë me Kylian Mbappé, duke formuar një dyshe potencialisht vendimtare në fazën ofensive.
Megjithatë, drejtuesit e Real Madridit nuk përqendrohen vetëm te një alternativë. Klubi ka identifikuar edhe emra të tjerë të profilit të lartë, në rast se transferimi i Olise rezulton i pamundur.
Edhe pse janë raportuar kontakte mes palëve, klubi ka mohuar publikisht se ka patur bisedime direkte me përfaqësuesit e lojtarit. Sidoqoftë, burimet e gazetarit Alvarez pranojnë se planet për një operacion të tillë mbeten aktive brenda klubit.
Një transferim të paktën të këtij niveli pritet të jetë jashtëzakonisht i kushtueshëm, me vlerësime që mund të arrijnë deri në 222 milionë euro. Me synimin për të ndërtuar një ekip dominues për vitet e ardhshme, Real Madridi vazhdon të jetë një nga klubet më aktive dhe ambicioze në tregun e transferimeve.
You must be logged in to post a comment Login