Raportohet se një grua nga Bukoshi i Suharekës humbi jetën në një aksident  në Francë

Një aksident tragjik trafiku ka ndodhur në Francë, ku ka humbur jetën Besire Kolgeci-Baraliu nga fshati Bukosh.

Sipas informacioneve nga familjarët e saj, në këtë aksident janë lënduar gjithashtu bashkëshorti dhe dy djemtë e saj. Të lënduarit po marrin trajtim mjekësor në një spital në Bazel.

Familjarët dhe të afërmit e Besires kanë shprehur pikëllimin për humbjen e saj të madhe, ndërsa për të lënduarit u është uruar shërim i shpejtë.