Kryeministri i Shqipërisë, Edi Rama, ka shprehur shqetësimin për pasojat që protestat po sjellin në sektorin e turizmit. Ai paralajmëroi se anulimet e rezervimeve nga turistët e huaj po bëhen një problem serioz për ekonominë e vendit.
Gjatë një diskutimi në podcastin “Flasim”, Rama theksoi se ka marrë mesazhe nga operatorë turistikë, të cilët raportojnë një numër të lartë anulimesh për sezonin veror. Sipas tij, kjo situatë po ndikon drejtpërdrejt në bizneset lokale, ekonominë familjare dhe të ardhurat nga turizmi.
Kryeministri gjithashtu theksoi se protestat nga territore të tjera, që nuk kanë lidhje me Vlorën, po kontribuojnë në këtë krizë. Ai e përshkroi protestën si një manifestim me një frymë fashiste, e cila, sipas tij, duhet të ndalet.
Rama u shpreh se është e papranueshme që një grup njerëzish, një forcë apo një parti, të imponojnë mendimet e tyre mbi të tjerët. Ai theksoi se ata që kërcënojnë dhe bullizojnë ata me mendime ndryshe janë një kërcënim për shoqërinë. “Kjo është fashiste e skandaloze dhe duhet ndalur”, përfundoi ai, duke bërë thirrje për qëndresë ndaj këtyre presioneve.
You must be logged in to post a comment Login