Këngëtarja kosovare me famë botërore, Dua Lipa, dhe aktori Callum Turner, janë martuar në një ceremoni të fshehtë. Disa ditë pas ceremonisë së mbajtur në Old Marylebone Town Hall të Londrës, detajet e dasmës së tyre vazhdojnë të komentohen.
Çifti zgjodhi me kujdes çdo aspekt të dasmës, duke filluar nga veshjet deri te zgjedhja e luleve. Vëmendje të veçantë mori buqeta e nuses, e cila përfshinte lulekuqe islandeze. Dua Lipa ishte veshur me një kostum të bardhë dhe mbante në duar një buqetë me lulekuqe në nuanca të buta të ngjyrës pjeshke dhe të bardhë.
Kjo buqetë ishte e thjeshtë, pa dekorime të tepërta, por e lidhur me një fjongo mëndafshi të bardhë. Qasja minimaliste e saj u pëlqeu dashamirësve të estetikës së dasmave.
Lulekuqja islandeze simbolizon shpresën, paqen dhe bukurinë. Lulet e saj delikate përfaqësojnë kalimtarinë e jetës, duke treguar gjithashtu aftësinë për të gjetur bukurinë në momentet e thjeshta.
Pavarësisht emrit, lulëkuqja islandeze rritet edhe në rajone të tjera të ftohta të Hemisferës Veriore. Me kalimin e kohës, ajo ka fituar popullaritet si një bimë zbukuruese dhe është një element i shpeshtë në kopshte dhe aranzhime lulesh.
Në dizajnet e tyre, lulekuqet islandeze mund të gjenden në nuanca të ndryshme, duke filluar nga tonet pastel deri te ngjyrat e forta si portokalli, e kuqe, dhe e verdhë. Ato vlerësohen veçanërisht për elegancën e tyre, pavarësisht se njihen si lule delikate, që mund të qëndrojnë deri në dhjetë ditë në një vazo me kujdesin e duhur.
Një nga koleksionet më të njohura të lulëkuqeve islandeze ndodhet në Kopshtin Botanik të Akureyrit në Islandë, ku gjatë sezonit të lulëzimit krijohet një panoramë mahnitëse.
Mes varieteteve të shumta, seria “Champagne Bubbles” spikat për lulet e saj të mëdha dhe kombinimet e jashtëzakonshme të ngjyrave. Dekorueshmëria dhe larmia e saj e bëjnë këtë varietet të kërkuar nga dashamirësit dhe koleksionistët e luleve.
You must be logged in to post a comment Login