Zëdhënësja e Prokurorisë Speciale të Kosovës, Arbnora Luta, konfirmoi për Klankosova.tv se në Komunën e Zubin Potokut po realizohen veprime në kuadër të një urdhri gjyqësor për zhvarrosje, autopsi dhe identifikim të mbetjeve mortore.
Luta sqaroi se këto veprime po kryhen me kërkesë të Prokurorisë Speciale dhe në përputhje me urdhrin e Gjykatës Themelore në Prishtinë.
“Institucionet relevante janë duke zbatuar urdhrin për zhvarrosje, autopsi dhe identifikim të mbetjeve mortore në një lokacion në Komunën e Zubin Potokut,” deklaroi Luta.
Për momentin, nuk ka informacion shtesë mbi identitetin e mundshëm të mbetjeve apo arsyet për këtë operacion.
You must be logged in to post a comment Login