Princ Leka bëhet baba për herë të dytë, publikon foton familjare

Oborri Mbretëror Shqiptar ka bërë të ditur lindjen e Princit Aleksandër, djalit të Princit të Kurorës Leka II dhe Princeshës Blerta.

Princi Aleksandër erdhi në jetë paraditen e së premtes, më 10 korrik 2026, në orën 11:11. Ai u lind në Spitalin Universitar Obstetrik-Gjinekologjik “Mbretëresha Geraldinë” në Tiranë, me një peshë prej 3 kilogramë e 115 gramë.

Sipas njoftimit të Oborrit Mbretëror, Princesha Blerta dhe Princi Aleksandër gëzojnë shëndet të plotë. Princi i Kurorës dhe Princesha Blerta shprehin mirënjohje të thellë ndaj ekipit mjekësor të spitalit për kujdesin dhe profesionalizmin e treguar gjatë këtij momenti të gëzueshëm.