Gjatë ditës së sotme, Klankosova.tv raportoi për disa fletëvotime nga komunat me shumicë serbe në veri, ku janë evidentuar shenja të pazakonta, si “=”, “%” dhe simbole të tjera. Këto anomali kanë ngjallur dyshime se fletëvotimet mund të jenë plotësuar në mënyrë të kontrolluar.
Prokuroria Themelore ka bërë të ditur se është autorizuar Policia e Kosovës për të mbledhur dhe grumbulluar informata të rëndësishme, për t’u përcaktuar nëse ekzistojnë elemente të veprës penale lidhur me këtë rast.
“Konfirmojmë se Prokurori i Shtetit është njoftuar nga Departamenti për Krime të Rënda. Me urdhër të Prokurorit, Policia e Kosovës është e autorizuar për të grumbulluar informacionet e nevojshme në lidhje me këtë çështje”, citohet nga Prokuroria.
Burime për Klankosova.tv sugjerojnë se gjatë procesit të votimit janë evidentuar disa parregullsi, ku dyshohet se fletëvotimet janë plotësuar nga një dorë e vetme. Kjo nxjerr në pah ngjashmëri në nënshkrime dhe në mënyrën e plotësimit të tyre.
Po ashtu, pritet që Paneli Zgjedhor për Ankesa dhe Parashtresa (PZAP) të vendosë për hapjen e kamerave të sigurisë në qendrat e votimit, në mënyrë që të verifikohen dyshimet e ngritura gjatë këtij procesi zgjedhor.
Be the first to comment