Komisioni Disiplinor i Shërbimit Korrektues të Kosovës (ShKK) ka vendosur të pezullojë përkohësisht zyrtarin korrektues D. Q., i angazhuar në Qendrën Korrektuese të Dubravës.
Ky vendim është marrë pas iniciimit të një procedure disiplinore, për shkak të dyshimeve për shkelje të rëndë disiplinore. Masa do të mbetet në fuqi deri në marrjen e një vendimi tjetër, sipas njoftimit të ShKK-së, që e raporton Klankosova.tv.
Në lidhje me këtë çështje, Prokuroria Themelore në Pejë, konkretisht Departamenti për Krime të Rënda, ka ngritur aktakuzë ndaj D. Q., nën dyshimin se ka kryer veprën penale të “Marrjes së ryshfetit”.
Sipas njoftimit të Prokurorisë, D. Q., në cilësinë e personit zyrtar, dyshohet se gjatë periudhës qershor-gusht 2025, ka pranuar në mënyrë të tërthortë përfitime monetare nga një person i privuar nga liria në tre raste të ndara.
Be the first to comment