“Përvëlohet” Shqipëria, temperatura deri në 40 gradë Celcius

Meteorologia shqiptare, Tanja Porja, njoftoi se në Shqipëri priten temperatura që arrijnë deri në 40 gradë Celsius.

Ajo theksoi se ka një rritje të menjëhershme të vlerave termike. Në mesditë, pritet një rritje prej të paktën 4 gradësh, duke e vendosur temperaturën maksimale të djeshme, që ishte rreth 33 gradë, në 38°C sot. Vranësirat do të jenë të dukshme vetëm gjatë orëve të pasdites, kryesisht në veriun dhe zonat lindore të vendit. Era do të fryjë nga veriperëndimi me shpejtësi mesatare.

Sipas Porjas, sot shënon ditën e parë me temperaturat e larta, ndërsa për një periudhë prej 10 ditësh, parashikohen vetëm temperatura të larta, me mundësi për reshje që është thuajse zero.

Ajo gjithashtu njoftoi se nesër dhe gjatë kësaj jave, pritet një rritje e mëtejshme e temperaturave, duke arritur shumë shpejt në 40 gradë Celsius.