Përplasen dy mjete lundruese pranë Lumit të Shalës, lëndohen disa persona

Një aksident ka ndodhur sot në zonën turistike të Komanit në Shqipëri. Dy mjete lundruese, të tipit skaf, janë përplasur në afërsi të Lumit të Shalës.

Sipas informacioneve fillestare, kjo përplasje ka shkaktuar lëndime për disa persona. Të dëmtuarit janë transportuar në spital, ku kanë marrë ndihmën e parë mjekësore. Burimet kanë konfirmuar se ata janë jashtë rrezikut për jetën.

Policia dhe strukturat përkatëse po punojnë për të zbardhur rrethanat e aksidentit.