Gazetari i Klan Kosova, Besnik Tahiri, ka analizuar përgjimet e politikanëve në Bosnje e Hercegovinë, veçanërisht ato mes ish-Presidentit të Republikës Serbe, Milorad Dodik, dhe Bakir Izetbegoviqit, ish-kryesues i Presidencës boshnjake.
Në emisionin “Kosova Today”, Tahiri theksoi se përgjimet e publikuara dëgjohet si ish-presidentët e BeH-së paralajmërojnë fundin e njëri-tjetrit.
“Me interes është shfaqja e përgjimeve mes Milorad Dodikut dhe Bakir Izetbegoviqit, ku ata ofendojnë njëri-tjetrin dhe paralajmërojnë fundin e vetes,” deklaroi ai.
Sipas Tahirit, Dodik nuk e fsheh qëllimin e tij për të destabilizuar dhe ndarë Bosnjën e Hercegovinën.
“Dodik shan dhe ofendon, duke e shprehur hapur qëllimin e tij, i cili është ndarja e Bosnjës dhe Hercegovinës dhe bashkimi i Banja Lukës me Serbinë,” tha ai.
Nga ana tjetër, Izetbegoviq është shprehur se Dodik duhet të arrestohet dhe se nuk duhet të ketë rol aktiv në politikën e vendit.
“Përgjimet kanë tronditur Ballkanin Perëndimor, duke shkaktuar frikë në Beograd për çdo episod tjetër të mundshëm të përgjimeve mes Dodikut dhe liderëve të tjerë serbë,” përfundoi Tahiri.
Be the first to comment