Për të votuar, mjafton të keni një dokument të vlefshëm

Komisioni Qendror i Zgjedhjeve (KQZ) ka rikujtuar qytetarët se për të marrë pjesë në procesin e votimit në Kosovë, është e nevojshme të kenë një dokument të vlefshëm identifikimi të lëshuar nga Republika e Kosovës.

Sipas udhëzimeve të KQZ-së, qytetarët mund të votojnë duke përdorur një nga këto dokumente: letërnjoftimin e vlefshëm, pasaportën e vlefshme ose lejen e vozitjes së vlefshme.

Kosova do të votojë nesër në zgjedhjet e parakohshme parlamentare.