Disa distrikte të Pekinit lëshuan paralajmërime për reshje të mëdha shiu të premten në mbrëmje. Autoritetet e qytetit kanë njoftuar për rreziqe nga përmbytjet në zonat urbane, si dhe për rrëshqitje dheu në zonat bujqësore dhe malore.
Këto reshje të fuqishme ndodhin në një kohë kur Kina po përgatitet për tajfunin “Dolphin”, i cili pritet të prekë bregdetin lindor të vendit nga e diela deri të hënën.
Distriktet e Pekinit, përfshirë Dongcheng, Xicheng, Haidian, Chaoyang, Tongzhou dhe Pinggu, kanë aktivizuar paralajmërime për reshje intensive. Sasia e pritshme e shiut pritet të kalojë 50 milimetra në orë.
Më shumë reshje janë regjistruar në distriktin Miyun, në verilindje të Pekinit, ku niveli i reshjeve arriti në 99.5 milimetra gjatë pasdites së së premtes.
Për të përballuar situatën e përmbytjeve, autoritetet kineze kanë angazhuar më shumë se 2 mijë persona për ndihmë në dhe përreth Pekinit.
Tajfuni “Dolphin” pritet të sjellë reshje të dendura deri në ekstreme në disa rajone të Kinës. Në provincën veriperëndimore Shaanxi, reshjet e fuqishme dhe përmbytjet kanë shkaktuar dëmtime në rrugë, ura dhe infrastrukturën energjetike e të komunikimit, duke detyruar evakuimin e mijëra banorëve.
You must be logged in to post a comment Login