Një 34-vjeçar është gjetur pa shenja jete mëngjesin e sotëm në tarracën e shtëpisë së tij në Pejë.
Zëdhënësi i Policisë për Rajonin e Pejës, Driton Rugova, informoi për incidentin që ka ndodhur në rrugën “Vllëzëria Dalamani”. Ai theksoi se rreth orës 09:35, Policia u njoftua nga një familjar për gjendjen e personit të gjetur.
“Policia menjëherë ka dalë në vendin e ngjarjes, ndërsa ekipi mjekësor ka konfirmuar vdekjen e viktimës,” deklaroi Rugova.
Ai gjithashtu njoftoi se Prokurori i Shtetit është informuar për rastin. Prokurori ka urdhëruar që trupi i pajetë të dërgohet në Institutin e Mjekësisë Ligjore për obduksion. Rasti po hetohet si “Hetim i vdekjes”.
You must be logged in to post a comment Login