Sekretarja e Përgjithshme e Partisë Demokratike të Kosovës, Vlora Çitaku, njoftoi se deputetët e kësaj partie do të jenë prezent nesër në Kuvendin e Kosovës.
Gjatë një lidhjeje direkte në emisionin “Jehona Politike” në Klan Kosova, Çitaku konfirmoi angazhimin e PDK-së për të qenë aktiv në punimet e Kuvendit.
Ajo theksoi se gjatë ditëve të fundit, partia ka zhvilluar takime intensive me të gjitha strukturat e saj. Çitaku shprehu rëndësinë që Kuvendi të perceptohet si një institucion me vlera dhe sakrifica, dhe jo thjesht si një ndërtesë.
“Është e domosdoshme të kuptojmë se Kuvendi është krijuar me sakrificë dhe mund. Të gjithë ata që kanë ndërgjegje, jo vetëm politike, por edhe kombëtare e qytetare, duhet ta vlerësojnë këtë institucion,” u shpreh Çitaku, duke përmendur dhe figurën e rëndësishme të z. Dehari.
You must be logged in to post a comment Login