Nxehtë edhe të premten: Temperaturat arrijnë deri në 35 gradë

E premten, më 14 gusht, moti parashikohet të jetë kryesisht me diell në pjesën më të madhe të vendit.

Sipas Institutit Hidrometeorologjik të Kosovës, gjatë dites do të ketë zhvillim të vranësirave të pakta deri mesatare. Megjithatë, kushtet atmosferike pritet të mbeten të qëndrueshme.

Temperaturat minimale do të variojnë nga 12°C deri në 17°C, ndërsa maksimalet do të arrijnë nga 30°C deri në 35°C.

Era do të fryjë kryesisht nga veriu dhe verilindja, me shpejtësi prej 1 deri në 4 m/s, njofton IHMK.